Mga Natural na Lunas sa Dandruff na mas Epektibo pa kaysa sa Medicated Shampoo

Ikaw ba ay namomroblema dahil sa matinding dandruff o balakubak sa iyong ulo?

Isang napakalaking bagay na tinitingnan natin sa isang tao ay ang buhok. Pero ikaw ba ay nakararanas ng matinding dandruff o balakubak sa iyong ulo? 

Ang pagkakaroon ng dandruff ay nakabababa ng self-esteem ng isang tao. Ang pagkakaroon nito ay nagdudulot ng pangangati sa ulo. 

Ikaw ba ay sumusubok ng iba-ibang anti-dandruff shampoo ngunit hindi pa rin nawawala ang iyong dandruff? 

Kung nahahalata mong hindi na epektibo ang medicated shampoo, maaari kang sumubok sa ilang mga natural na lunas para mawala ang iyong dandruff at ang mga sangkap na ito ay kadalasang makikita lang sa iyong kusina. 

Heto ang ilan sa mga alternatives na makatutulong sa pagkawala ng iyong dandruff.

1. Baking Soda

Pagkatapos basain ang iyong buhok, maglagay ng baking soda at ikuskus ito sa anit. Banlawan ito nang maigi. Ang baking soda ay tumutulong upang hindi dumami ang fungi na siyang nagiging dahilan ng pagkakaroon ng dandruff. Matapos ang ilang linggo ng paggamit ng baking soda,ang iyong anit ay maglalabas ng natural oil na makatutulong para maging malambot ang iyong buhok.

2. Apple Cider Vinegar

Hindi lang nakatutulong ang apple cider para mabawasan ang iyong timbang; nakatutulong din ito sa paglunas ng dandruff. Ang acidity ng apple cider vinegar ay nakatutulong sa pagsugpo ng yeast growth sa iyong anit.

Ihalo ang 1/4cup na apple cider vinegar sa 1/4cup na tubig at ilagay ito sa bottle spray. I-spray ang mixture na ito sa iyong anit. Balutin ng tuwalya ang iyong ulo nang 15minuto hanggang sa isang oras. Banlawang maigi pagkatapos. Gawin ito nang dalawang beses sa loob ng isang linggo.

3. Aspirin

Ang aspirin ay may active ingredient na salicylic acid na kadalasang makikita sa anti-dandruff shampoo.

Durugin ang dalawang tableta ng aspirin at ihalo ito sa iyong shampoo. Maghintay ng isa hanggang dalawang minuto bago ito banlawan. Pagkatapos ay gumamit ka ng plain shampoo.

4. Tea tree oil

Gaya ng aspirin, maglagay ng kaunting tea tree oil sa iyong regular shampoo. Pagkatapos ay banlawang mabuti ang buhok. 

5. Mouthwash

Gumamit ng regular shampoo sa iyong kaligo at banlawan ang iyong buhok ng alcohol-based mouthwash. Ang antifungal property ng mouthwash ay nakatutulong upang masugpo ang yeast growth.

6. Coconut Oil

Maglagay lamang ng 3-5 tablespoon na coconut oil at imasahe ito sa iyong anit. Hayaan ito sa iyong ulo sa loob ng isang oras. Pagkatapos ay banlawan ito at gumamit ng regular shampoo.

7. Asin

Maglagay ng kaunting asin sa iyong anit. Para makita ang mas magandang resulta ay maaaring samahan mo ito ng ibang mga lunas na nabanggit sa itaas.

8. Lemon

Maglagay ng 2 tablespoon ng lemon juice sa iyong scalp pagkatapos ay banlawan ito ng tubig. Maghalo din ng 1 teaspoon ng lemon juice sa 1 cup na tubig. Banlawan ang iyong ulo gamit ang mixture na ito. Gawin ito araw-araw.

9. Aloe Vera

Imasahe lang ang aloe vera sa iyong anit. Ang halamang ito ay mayroong cooling effect na nakatutulong sa paglunas sa dandruff.