Problema kung saan idi-dispose ang mga used face shields? Sagot 'yan ng 'The Plaf'

Isang grupo ang nangongolekta ng plastic wastes upang gawing produktong mapakikinabangan.

Image from The Plaf

Malaking problema ng bansa ang plastic pollution. Katunayan isa ang Pilipinas sa mga bansang pinagmumulan ng malaking bahagi ng marine plastic pollution o mga plastic wastes na napupunta sa karagatan.

Batay sa isang pag-aaral na ginawa noong nakaraang taon, ang Pilipinas ay gumagamit ng 60 billion pieces ng plastic sachets every year.

Ang problema natin sa basurang plastic ay nadagdagan pa nang ideklara na hindi na mandatory ang pagsusuot ng face shield. Sa katunayan ay nanawagan ang isang mambabatas sa mga local government units na mag-organisa ng plastic waste drive upang matiyak na maidi-dispose nang maayos ang mga patapong face shields.

Image from The Plaf

Mabuti na lang at may mga organisasyon o grupo tulad ng The Pink Flamingo (The Plaf) na nangongolekta ng plastic wastes upang gawing mga produkto na mapakikinabangan.

“Face shields? Mine please,” tweet ng The Plaf kamakailan lang.

Sino ba ang The Plaf?

Ito ang sabi nila sa kanilang Facebook page:

“The Plastic Flamingo,or more commonly known as The Plaf,is a social enterprise that aims to tackle marine plastic pollution in the Philippines. We collect plastics through our partners, compensate for plastic footprint, educate the community through webinars, and transform collected plastics into eco-lumbers.”

Image from The Flap

Mula nang itinatag ang The Plaf noong 2018 hanggang sa kalukuyan ay nakakolekta na ito ng libo-libong tonelada ng mga basurang plastic mula sa mga collection points sa iba’t ibang panig ng Metro Manila.

May factory na sila ngayon ng eco-lumbers na maaaring gamitin sa bakod, upuan at sahig. Nakabuo na rin sila ng mga bahay na matibay kontra sa mga kalamidad gamit ang eco-lumbers.

Tumatanggap ang The Plaf ng mga donasyong plastic wastes. Kailangan lang hugasan ang mga iyon at patuyuin bago dalhin sa mga collection points o sa kanilang warehouse na matatagpuan sa Block 6 Building 2 National Road, 1 Tepaurel Compound, Putatan, Muntinlupa City.

Image from The Plaf

Makiisa sana tayong lahat sa pagsisinop ng mga plastic wastes.